[A:349]སྤྱིའི་རྣམ་པར་བཞག་པ་རིམ་པ་གཉིས་ཀྱི་གསལ་བྱེད་ཅེས་བྱ་བ་དང།
གཞན་ཡང
{༦༠}་བསྟོད་པའི་ཚོགས་གྲངས་ཀྱི་བགྲང་བར་མི་ནུས་པ་དག་མཛད་དོ༎
རྩོམ་པའི་ཚོགས་འདི་དག་ནི་དགུང་ལོ་ཉེར་གཉིས་བཞེས་པ་ནས་བཟུང་སྟེ། དྲུག་ཅུ་རེ་དྲུག་ཕན་ཆད་དུ་རྫོགས་ཟིན་པ་ཡིན་ལ། དེ་ནས་དགུང་ལོ་བརྒྱད་ཅུ་ནམ་བཞེས་ཀྱི་བར་དུ། ཉིན་པར་ཆོས་གསུངས་པ་དང། མཚན་མོ་བསྒྲུབ་པ་རྩེ་གཅིག་པ་ཁོ་ན་མཛད་པའི་དམ་བཅའ་བརྟན་པོ་མཛད་དེ། བསྟོད་པ་རེ་ཙམ་མ་གཏོགས་པ་བསྟན་བཅོས་ཀྱི་རྩོམ་པ་མ་མཛད་དོ༎
དེ་ནས་དགུང་ལོ་དྲུག་ཅུ་རེ་དགུ་བཞེས་པ། ཤིང་མོ་ཡོས་ཀྱི་ལོ་ལ་སྐྱིད་སྨདསྐྱི་སྨད་རི་བོ་རྩེ་ལྔའི་མགུལ་ན་སློབ་མའི་ཚོགས་མང་པོ་དང་བཅས་ཏེ་བཞུགས་པའི་ཚེ། མཚན་ལམ་དུ་རྗེ་ཉིད་ཀྱིས་བཏབ་པའི་དགོན་པ་ཡིན་ཟེར་བ་ཅིག་ཏུ། ཆོས་དུང་ལན་བདུན་བུས་པས་དགེ་འདུན་སྟོང་རྭ་ཅན་ཙམ་འདུས་པའི་མཚན་ལམ་བྱུང་ཞིང། དེའི་ཚེ་འཕན་ཡུལ་གྲོ་སའི་མཁན་པོས། རྗེ་བཙུན་དམ་པ་འདི་ཉིད་གྲོ་ས་བའི་བུ་སློབ་བླ་ན་མེད་པ་ཡིན་པས། དགོན་པ་ཕྱག་ཏུ་འབུལ་བར་བསམ་ནས། ཐོག་མར་སྤྱན་དྲངས་སོ༎
དེ་ནས་རིམ་གྱིས་འཕན་ཡུལ་གྱི་ཆོས་སྡེ་ཆེན་པོ་ཐམས་ཅད་ཀྱིས་སྤྱན་དྲངས། ལུང་པ་འདིར་ཆོས་སྡེ་ཆེན་པོ་གསར་དུ་གཙུགས་ནས་ཞབས་བརྟན་པར་བཞུགས་དགོས་སོ་ཞེས་པའི་ཞུ་བ་ནན་གྱིས་ཕུལ། ཞལ་གྱིས་ཀྱང་བཞེས། སྡེ་པ་སོ་སོས་རང་རང་གི་འདོད་པ་དང་བསྟུན་པའི་སའི་དམིགས་རེ་རེ་ཕུལ་ཡང། རྟེན་འབྲེལ་ཇི་ལྟ་བ་བཞིན་དུ་མ་འགྲིག། དེའི་ཚེ་མཁར་རྩེ་བ་དྲུང་དགེ་སློང་པས་དགོན་པ་འདེབས་པའི་ས་ཕྱོགས་ནི་གོལ་མ་ཞེས་བྱ་བའི་ལུང་པ་དབེན་ཞིང། ཡོངས?ཡངས་ལ་ཉམས་དགའ་བ། ལུང་པ་དེའི་ནང་ན་སྔོན་རྗེ་བཙུན་དམ་པ་རྒྱ་གར་གྱི་བྲག་