[A:349]spyi'i rnam par bzhag pa rim pa gnyis kyi gsal byed ces bya ba dang/
gzhan yang
{60} bstod pa'i tshogs grangs kyi bgrang bar mi nus pa dag mdzad do//
rtsom pa'i tshogs 'di dag ni dgung lo nyer gnyis bzhes pa nas bzung ste/ drug cu re drug phan chad du rdzogs zin pa yin la/ de nas dgung lo brgyad cu nam bzhes kyi bar du/ nyin par chos gsungs pa dang/ mtshan mo bsgrub pa rtse gcig pa kho na mdzad pa'i dam bca' brtan po mdzad de/ bstod pa re tsam ma gtogs pa bstan bcos kyi rtsom pa ma mdzad do//
de nas dgung lo drug cu re dgu bzhes pa/ shing mo yos kyi lo la skyid smadskyi smad ri bo rtse lnga'i mgul na slob ma'i tshogs mang po dang bcas te bzhugs pa'i tshe/ mtshan lam du rje nyid kyis btab pa'i dgon pa yin zer ba cig tu/ chos dung lan bdun bus pas dge 'dun stong rwa can tsam 'dus pa'i mtshan lam byung zhing/ de'i tshe 'phan yul gro sa'i mkhan pos/ rje btsun dam pa 'di nyid gro sa ba'i bu slob bla na med pa yin pas/ dgon pa phyag tu 'bul bar bsam nas/ thog mar spyan drangs so//
de nas rim gyis 'phan yul gyi chos sde chen po thams cad kyis spyan drangs/ lung pa 'dir chos sde chen po gsar du gtsugs nas zhabs brtan par bzhugs dgos so zhes pa'i zhu ba nan gyis phul/ zhal gyis kyang bzhes/ sde pa so sos rang rang gi 'dod pa dang bstun pa'i sa'i dmigs re re phul yang/ rten 'brel ji lta ba bzhin du ma 'grig/ de'i tshe mkhar rtse ba drung dge slong pas dgon pa 'debs pa'i sa phyogs ni gol ma zhes bya ba'i lung pa dben zhing/ yongs?yangs la nyams dga' ba/ lung pa de'i nang na sngon rje btsun dam pa rgya gar gyi brag