[A:315]ཅད་ལ་རྟག་པར་བྱམས་ཤིང། སེམས་ཅན་གཞན་ལ་གནོད་པའི་ལསལུས་ཅུང་ཟད་ཀྱང་མི་མཛད། གཞན་ལ་མཐོ་མཚམས་པ་དང་ཕྲག་དོག་པའི་རྣམ་པ་ཅུང་ཟད་ཀྱང་མི་མངའ། རྙེད་བཀུར་དང་ཆེ་ཐབས་ཀྱི་རྩོལ་བསྒྲུབ་ཅུང་ཟད་ཀྱང་མི་མཛད། དེའི་རྒྱུ་མཚན་གྱིས་གཞན་དག་བླ་མ་ཁོང་ལ་མི་ཆོས་མེད་ཅིང། འཇིག་རྟེན་མི་མཁྱེན་ཅེས་ཟེར། དེ་ལྟ་མོད་ཀྱི་ཀུན་རྫོབ་ཀྱི་སྣང་བ་འདི་ཆོས་ནས་ཇི་ལྟར་འབྱུང་བ་བཞིན་དུ་ཁོང་ཞལ་གྱིས་བཞེས་ཤིང་ཕྱག་ལེན་དུ་ཁེལ་བར་མཛད་པས། འཇིག་རྟེན་དང་མི་ཆོས་ནི་དེ་ཡིན་པར་ངེས་སོ༎
གཞན་ཡང་བདག་ཉིད་ཆེན་པོ་འདི་གང་ན་བཞུགས་པའི་ས་ཕྱོགས་དེར། ནད་ཡམས་དང། མུ་གེ་དང། དུས་ཀྱི་འཁྲུག་པ་མི་འབྱུང་ཞིང། ཡོན་གྱི་བདག་པོ་རྣམས་ལ་བཀྲ་ཤིས་པའི་དགེ་མཚན་ཁོ་ན་འབྱུང་ཞིང། འབྱོར་པ་ཆེ་བ་དང། སྐྱེ་བོའི་ཚོགས་ཀྱིས་གང་བ་དང། ཐག་རིང་པོ་ནས་འོངས་པའི་གྲྭ་པ་བུ་སློབ་རྣམས་རང་གི་ངང་གིས་འདུ་བ་ལ་གེགས་དང། ཉེ་བར་འཚེ་བ་ཅུང་ཟད་ཀྱང་མི་འབྱུང་བ་ཡིན་ནོ༎
དེའི་རྒྱུ་མཚན་གྱིས། མཁས་པའི་དབང་པོ་འདིས་བཤད་ཉན་མཛད་ནས་མྱ་ངན་ལས་འདའ་ཁའི་བར། སྐུ་ལ་སྙུང་བའི་ཚུལ་བསྟན་པ་ཉིན་གཅིག་ཙམ་ཡང་འབྱུང་མ་མྱོང་པར་ཀུན་གྱིས་འཐུན་སྣང་དུ་གྲུབ་ཅིང། གངས་ཅན་གྱི་ལྗོངས་འདིར་བཤད་ཉན་གྱི་རྒྱུན་མ་ཆད་པར་མཛད་པ་ལ། བདག་ཉིད་ཆེན་པོ་འདི་ལས་རྒྱུན་རིང་བའི་སློབ་དཔོན་སུ་ཡང་མེད་དོ༎
ཡང་མཁས་པ་གཞན་དག་ནི་འཆད་པ་ཁོ་ན་གཙོ་བོར་མཛད་ཅིང། བསྟན་བཅོས་རྩོམ་པར་མི་མཛད། ལ་ལ་ནི་བསྟན་བཅོས་རྩོམ་པ་ལ་གཙོ་བོར་མཛད་ཀྱི། འཆད་པ་དང་རྩོད་པ་ལྷུར་མི་ལེན། མཁས་པའི་བྱ་བ་རྣམ་པ་གསུམ་ཆ་མཉམ་པར་མཛད་ཅིང། གསུམ་ཀ་ལ་ཐོགས་པ་མེད་པའི་བློ་གྲོས་མངའ་བ་ནི། བདག་ཉིད་པོ་འདི་དང་མཉམ་པ་ཁ་བ་ཅན་འདིར་གཞན་བྱོན་པ་མེད་དོ༎
ཡང་མཁས་པ་ལ་