[A:49b]kyis bskor ba dang / zhal gcig phyag gnyis pa la lha mo gnyis kyis bskor ba/ de dag gi sgrub tshul las sbyor gyi rim pa sogs gsal bar 'byung ngo / /dpal rdo rje nag po chen po khros pa'i mgon po gsang ba dngos grub 'byung ba'i rgyud le'u nyer lnga pa las/ gtso cher mgon po phyag bzhi pa'i sgrub thabs mang du bstan cing / gzhan yang rnam thos sras phyi nang gsang gsum dang / mgon po beng dang / lha mo la sogs pa'i sgrub tshul/ khyad par le'u bcu pa sbyin sreg gi le'ur mgon po 'di nyid phyag bzhi pa khros pa'i sgrub tshul gsal bar bstan to/ /dur khrod nag po zhes bya ba'i rgyud le'u bcu gnyis pa las/ mgon po 'di nyid la gshin rje pho brgyad mo brgyad kyis bskor ba'i dkyil 'khor mgon po gshin rje ltar sgrub pa'i sgrub thabs las sbyor gsal bar bstan to/ /gzhan yang ston pa byang chub kyi shing drung na bzhugs pa'i tshe/ nag po chen pos rigs sngags phul ba nag po chen po'i gzungs dang / nag po chen po'i gzungs ring nad las thar bar byed pa zhes bya ba rnams kyis kyang shugs kyis bstan pa yin no/ /lha mo ni rdo rje gdan bzhi'i rgyud rgyas pa'i lhag ma'i skabs nas bstan par bshad/ 'on kyang da lta bod na bzhugs pa'i gdan