[A:49a]ro/ /zhes pas ling ga la bsten pa'i las sbyor dang / las sbyor de nyid 'grub pa'i dus dang bcas pa bstan pa yin no/ /rgyud 'di ni mgon po 'di nyid bstan pa'i khungs kyi gtso bo yin zhing / rgyud tshig 'di dag gi phyi nang gsang gsum gyi sgrub thabs ston tshul sogs sbas don snyan brgyud kyi bshad pa thun mong ma yin pa ni bla ma'i zhal las shes pa kho na'o/ /gzhan yang zhar las byung ba nag po chen po zhes bya ba'i rgyud kyi rgyal po mgon po sngon byung du grags pa le'u lnga bcu pa las/ mgon po 'di nyid zhal bzhi phyag bcu drug la lha brgyad kyis bskor ba dang / zhal bzhi phyag bcu gnyis pa la lha mo bzhis bskor ba dang / zhal gsum phyag brgyad pa la lha mo bzhis bskor ba dang / zhal gsum phyag drug pa la lha mo bzhis bskor ba dang / zhal gcig phyag bzhi pa la lha mo gnyis