[A:4b]pa med kyang / gsol ba btab na 'dod dgu thams cad lhun grub tu 'byung ba ltar/ zung 'jug sku bzhi'i bdag nyid khyab bdag rdo rje 'chang chen po de nyid chos sku de bzhin nyid kyi ngang las ma g.yos bzhin du gzugs sku nyid kyi rnam 'phrul grangs las 'das pas/ gdul bya nam mkha'i mtha' klas pa'i khams dang bsam pa dang bag la nyal gyi rim pa bsam gyis mi khyab pa dang mthun par chos kyi rnam grangs dpag med cig gsungs pa thams cad kyi don gyi bcud phyung ba/ zung 'jug rdo rje 'dzin pa'i go 'phang sgrub pa'i sgo gcig pu ni bla med rdo rje theg pa yin te/ dpal kha sbyor las/ chos kyi phung po brgyad khri dang / /bzhi stong gi ni cho ga yis/ /lus kyi de nyid mi shes pas/ /de dag thams cad 'bras med 'gyur/ /zhes dang / bye brag tu rtsa ba'i rgyud las/ gzhan pa'i sems kyi skad cig kyang / /dngos grub 'dod pas mi gnas so/ /zhes gsungs pa'i