[A:4a]shes kyi rnam 'phrul bstan srung rgya mtsho'i ded dpon/ rig pa 'dzin pa'i dam tshig gi gnyer kha ba/ ma ga dha rdo rje gdan gyi sgo skyong chen po/ 'phags yul gyi paN grub rnams kyis yun du bsten zhing ches cher bsngags pa brjod pa/ bod yul bstan pa'i mnga' bdag rje btsun sa skya pa yab sras rnams kyi thun mong ma yin pa'i bka' srung dam pa dpal rdo rje nag po chen po'i zab mo'i chos skor rnams byung ba'i tshul legs par bshad pa bstan srung chos kun gsal ba'i nyin byed ces bya ba 'di 'chad pa la don gnyis te/ yid ches shing khungs btsun par bya ba'i phyir man ngag gi byung tshul bstan pa/ de las byung ba'i gdams pa dngos bstan pa'o/ /dang po la chos skyong gi chos skor spyir bstan pa/ bye brag tu nag po chen po 'di'i chos skor byung tshul lo/ /dang po ni/ ji ltar yid bzhin gyi nor bu rin po che dang dpag bsam gyi shing la bdag 'dzin bsam