[A:44a]skyes pa/ rgyab kyi rjes su 'brangs pa sngags nag ban phur thogs pa brgya/ bud med rnams nad bdag ma mo nag mor skyes pa mdun gyi shul byang 'dren pa bud med nag mo ral gri thogs pa brgya/ gzhan yang de dag gi sprul pa yang sprul nying sprul dregs byed lha srin sde brgyad kyi tshogs dang bcas pa bsam gyis mi khyab pas stong gsum thams cad myul zhing sems can thams cad la 'tshe zhing srog 'phrog par byas so/ /de'i tshe yang dag par rdzogs pa'i sangs rgyas rdo rje 'chang chen po nyid kyis sprul pa'i dkyil 'khor chen po sprul/ nyid kyi thugs ka nas 'od zer 'phros pas rang dbang med par bkug ste sprul pa'i dkyil 'khor chen por dbang bskur/ dam la btags/ khong rnams kyis srog gi snying po mdongs gsol du phul nas/ bstan pa la sdang ba/ sems can la 'tshe ba/ sgrub pa po la bar chad byed pa rnams sgrol ba'i shan par khas blangs/ zas skal du de dag gi