[A:209a] rnam sprul bgrang yas kyis/ /gdugs dang rgyal mtshan la sogs mchod sprin bcas/ /ming nas lung ston mkha' spyod 'khrid par nges/ /ci ste las kyis mngal sgo 'grims srid kyang / /lus rten bla ma chos sogs mthun rkyen kun/ /bka' srung rnams kyis 'bad med legs bsgrubs nas/ /ring por mi thogs rnam grol mchog thob pas/ /lam bzang 'di dang mjal kun skal ba bzang / /de ltar brtan g.yo kun khyab srung ma'i gtso/ /dpal ldan gur gyi mgon po lcam dral dang / /mthu ldan gnyan gyi mgon po gdong bzhi pa/ /bstan dgra'i srog bdag las mkhan pho nyar bcas/ /u rgyan mkha' 'gro'i gling gi nor skyong zung / /dpal chen thugs kyi sprul pa dkar mo dang / /bdud kyi rgyal po dam can bcu gnyis sogs/ /bstan srung dbang po rnams kyi zab rgyas kyi/ /chos tshul sngon tshe rgya gar 'phags yul dang / /phyis