[A:208b] mthong ba'i gsang ba'i mgon pos skyongs/ /de ltar phyi yi dregs pa rgyud gsum la/ /rnam drug rten dang gtor ma gsum la sogs/ /bshams nas bzlas brjod bskang bshags bstod bskul gyis/ /mnyes par byas pas las bzhi'i don kun 'grub/ /lus la grub pa'i nang gi rgyud gsum po/ /dmigs rim zab mo'i byang sems dbab bzlog dang / /rlung sbyor bzlas pa'i sngags kyis rgyud bskul bas/ /bde chen mgon pos 'dzum zhal ston par nges/ /gsal stong zung 'jug gsang ba'i rgyud gsum de/ /brjod bral blo 'das mchod pas dgyes byas na/ /tshe 'dir sems nyid rtog med chos sku dang / /lus nyid 'ja' lus rdo rje'i sku 'grub gyur/ /de 'dra'i 'bras bu tshe 'dir ma thob na/ /'chi ba 'od gsal zhes bya'i sgra bo che/ /yang yang 'phrad pa'i mdza' bo de mthong bas/ /ngo shes nang gi 'pho bas dus der grol/ /der yang 'khrul nas bar dor 'khyams gyur na/ /bla ma bstan srung