[A:40b] bya de mo nag mo spyi bo na rin po che yod pa zhig khol mo la nor du byin/ lha mo dpon g.yog gnyis 'khor los bsgyur ba'i rgyal pos byin pa'i rma bya dang / de mo nag mo gnyis la gtan gyi nor skal du byed cing chags so/ /de nas dur khrod ro thang nag po'i dbus ma ru rtse'i sgo 'gram du dpal lha mo dpon g.yog gis dpal khrag 'thung he ru ka'i dngos grub bsgrubs pas dpal chen po'i zhal mthong dbang bskur rdo rje pho nya mo drug cu rtsa bzhi 'khor du bskos/ padma gar gyi dbang phyug gi sprul pa dang yang sprul du lung bstan/ jo mo'i ming ni dpal ldan lha mo nag mo re ma ti dur khrod kyi bdag mo zhes bya bar btags/ khol mo'i ming ni gnod sbyin shan pa nag mo re ma tir btags/ lha mo dpon g.yog gis kyang srog gi snying po phul zhing sangs rgyas kyi bstan pa bsrung bar khas blangs so/ /de nas ri bo ma la ya'i rtse mor lha mo dpon g.yog gis dpal phyag na rdo rje bsgrubs pas