[A:41a]zhal mthong / srog gi snying po phul/ sangs rgyas stong gi bstan pa bsrung bar dbang bskur/ rje mo'i ming arYa re ma tir btags/ khol mo'i ming shan pa nag mor btags so/ /de nas dpal ldan lha mo nag mo dpon g.yog de gnyis mthu dang rdzu 'phrul bsam gyis mi khyab pas srid pa gsum na 'gran pa'i zla thams cad dang bral bar gyur pas/ lha dang lha ma yin thams cad kyis phyag dang bkur bsti byas/ 'dod pa'i khams thams cad la dbang bsgyur bas 'dod khams kyi dbang phyug ma'am gtso mo chen mor gyur te/ lha tshangs pas rma bya'i rgyal mtshan phul/ khyab 'jug gis nyi zla'i rgyan phul/ rnam thos sras kyis sbrul gyi gdengs ka phul/ nam mkha'i lha phran rnams kyis dril bu rna ba'i rgyan du phul/ lha mo srin mo sha za rnams kyis thod phreng dang thod khrag zhag gi thig le zo ris rnams phul/ lha ma srin sde brgyad la sogs pa dregs pa can thams