[A:195b] snoms la dgra bo bsad pa'i las gyis shig ces pa'i don yin zhing / sa skya la sogs pa mgon po bzhugs pa'i phyogs la dmigs nas 'bul ba ni mgron bzhugs pa'i phyogs su dmigs nas 'bul bas thugs mnyes par byed pa'i dgos pa khyad par can yod pa yin no zhes brgyud ldan gyi bla ma rnams gsungs so/ /de dag gis ni mgon po'i chos skor gyi dri ba lhag bsam rab dkar las/ chos rje bla ma'i kyai rdor mngon rtogs sogs/ /yig cha phal las mgron gshegs spyi btab bye/ /gzhan dag de yi gong du byed par snang / /'di nyid 'bul yul phyir 'bul dgos pa gang / /zhes gsungs pa'i dgongs pa'i don yang gsal bar byas pa yin no/ /de ltar gtor ma'i rim pa 'phros don dang bcas pa bshad zin nas/ gsum pa mchod pa'i rnam gzhag la gsum ste/ las 'jam po gsum gyi mchod pa/ drag po'i mchod pa'o/ /de re re la'ang