[A:195a] phyag len mi 'dra ba'i rnam gzhag bshad pa ni/ mgron gshegs pa'i rjes su byed pa dang / mgron gshegs pa'i gong du byed pa'i lugs gnyis snang ba las/ dang po ni chos rje bla ma'i kyai rdor mngon rtogs sogs las bshad cing / gnyis pa ni/ yar lung pa sogs kyi phyag len yin pas gnyis ka yang lugs tshad ldan re yin par gsungs shing / da lta phyag len la snga phyi gnyis ka mdzad pa 'di yin la/ gtor ma phyir 'bul ba'i dgos pa la/ thun gtor phyir 'bul ba ni thun gcig gi bya ba rdzogs pas/ thun gsham bsdud pa'i ched yin par snang la/ bskang gtor dang brten gtor rnams phyir 'bul ba ni ched du gtad pa'i dmigs pa gsal ba'i ched dang / gtang rag gi tshul du yin par bzhed cing / de yang gtor ma rnams khang pa'i yang thog la sogs par khyer te dgra phyogs su kha bstan nas 'bul ba ni/ gtor ma 'di