[A:188a] yar lung pa seng rgyal gyi gtor sgrub zhag sbrel gyi yi ge las kyang / bshags pa 'di nyid sngon la byas nas/ de'i rjes su bskang ba bshad/ de bzhin du sa skya pa'i zhal ngo nang brgyud sogs phyag len tshad ldan kun la 'di kho na gnang zhing / de yang bshags pa byed pa'i tshe chos skyong rnams mdun du bsam zhing / rang nyid tha mal par byas nas byed pa chos rje bla ma'i phyag len yin gsungs pa dang / yang rang yang yi dam chos skyong rnams kyang yi dam du mos nas bshags pa dang / mchod bstod sogs byed pa/ chos rje sa paN gyi gsung bgros/ na bza' brag phug pa'i phyag len yin gsungs pa'i lugs gnyis snang ba las/ phyi ma 'di nyid legs par gong ma dag bzhed cing / gtor sgrub kyi go don la bdag chen rdo rje 'chang gi slob rgyud rje rdo ring pa dpon slob rnams kyi dgongs bzhed kyi gtso bo ni/ gtor sgrub ces pa gtor ma sgrub cing mchod pa'i