[A:188b] don yin te/ rtag gtor dang 'dzin gtor gang rung chos skyong du bskyed nas gtor ma bsngo ba dang / mchod pa dang / bskang ba dang / bstod pa rnams grub na thams cad dang / bsdu na gtor bsngo'i rjes su bshags pa dang mchod pa sogs ci rigs pa byas pa ni gtor ma sgrub mchod du 'gyur ba yin/ de skad du yar lung pa seng ge rgyal mtshan gyi gtor sgrub kyi yi ge las/ sngon 'gro gtor ma nas dkon mchog dang gtor ma la tshogs phud 'bul ba'i bar sgrub mchod rgyas bsdus gang rung byas la zhes gsungs pa'i dgongs pa dang mthun pa'i dbang du mdzad nas/ rje tshar pa'i gtor ma gsum gyi rnam gzhag las kyang / zhi rgyas dbang gsum gyi gtor sgrub kyi lag len zhal shes ni/ rtag gtor yod na rab/ med na 'dzin gtor lhar bskyed ces gsungs so/ /don 'di nyid rdzong pa kun dga' rgyal mtshan pa yang bzhed do/ /khong gis mdzad pa'i