[A:187b] sogs kyi byin gyis rlob/ /gtor bskang de ltar byed pa'i khu rnying dang / /'di dag rgyud sde 'og ma'i gsang sngags dag /gong du sbyor ba'i dgongs pa mkhyen lags sam/ /zhes gsungs pa'i dgongs pa'i don yang gsal bar byas pa yin no/ /gnyis pa bskang bshags kyi go rim dang gtor sgrub kyi don bshad pa ni/ bskang ba sngon la byas nas bshags pa rjes la byas kyang rung zhing / bshags pa sngon la byas nas bskang ba rjes la byas kyang chog mod/ 'phags pas mdzad pa'i bshags pa tshig lhug ma 'di bya na/ bskang gso'i sngon la byed rigs pa yin te/ 'di nyid rang gi tshig gi go rim la yang / nongs par spyad pa dang / de'i las kyi 'bras bu thams cad zhi bar gyur cig ces pa yan gyis bshags pa byas nas/ sngags dang phyag rgya dang ting nge 'dzin gyi byin gyis brlabs pa'i mchod sbyin gyi gtor ma zhes sogs man chad kyis bskang ba byas pa yin no zhes bla mas gsungs la/