[A:184a] gdan 'bul dam bzhag gtor ma bsngo/ /gtor ma de la 'bral med du/ /bzhugs par bsam la gsol ba gdab/ /rten 'brel snying pos rab gnas bya/ /zhes bshad pa dang / dam pas/ rtag tu mi 'bral 'grogs pa'i phyir/ /brten gtor chen pos thugs dam bskang / /zhes pa rnams dgongs pa'i gnad gcig tu 'grig pa yin no/ /gta' gtor ni/ pu tra sogs la gta' gtor zur brgyad pa bshams nas/ las 'di zhes bgyi ba sgrub par gyis shig da bzod ster ro zhes go bar byas nas/ dus gsum la sogs par kha gso zhing byin gyis brlabs nas mi bsngo bar bzhag las grub pa dang / cho ga bzhin bsngos nas 'bul ba de'o/ /'di ni gtor ma gta' mar bzung nas las myur du bsgrub tu 'jug pas na gta' gtor ro/ /'di la yi ge rje sa chen gyis mdzad pa me 'bar ma'i nang na bzhugs shing / rgyun gtor ni/ thun gsum