[A:183b] nas bskal pa chags 'jig gi bar du bzhugs su gsol ba'o/ /de yang gtor ma dngos gzhi gzungs dang bcas pa lhar bskyed pa yin gyi mtheb kyu rnams ni dus bzhir gso zhing bdud rtsir byin gyis brlabs nas bsngo ba'o/ /gnyis pa ni chos skyong lcam dral nyid la gtor ma lag len ltar bshams nas/ de'i steng du lcam dral bskyed nas gtor ma de la 'bral med du bzhugs par gsol ba gdab/ dus bzhir gsol zhing / dus bzhir bsngo'o/ /mthar gtong ba'i tshe/ gtor ma tshab bshams grub nas khang pa'i yang thog la sogs par spyi stabs byas nas 'bul ba'o/ /'di ni dam tshig gi rten du 'dzin pa'i gtor ma yin pas 'dzin gtor zhes kyang bya'o/ /'di la yi ge slob dpon padmas mdzad pa yod cing / de nyid las/ bzhed dgu 'byung bar byin gyis brlabs/ /de steng padma nyi ma'i steng / /lhag pa'i lha ni bzhi rdzogs bskyed/ /de 'og lcam dral bskyed gzhug cing / /