[A:184b] la sogs par gsar ba bca' zhing bsngos nas de 'phral 'bul ba ste/ dam pas rtag tu 'phrin las mdzad pa'i phyir/ /rgyun gyi gtor mas thugs dam bskang / /zhes pa 'di yin no/ /'di la thun gtor dang / 'phral gtor dang / mgyogs gtor zhes kyang bya/ kha cig 'bul gtor zhes kyang zer ro/ /dus deng sang gi sa skya pa'i sngags 'chang dag gtor ma gsum gyi rnam dbye 'di bzhin phyed par gyis shig gtor bsngos kyi cho ga'i go rim la rje rdo rje 'chang gi phyag len la gdong bzhi pa'i rjes su las mgon gyi bskyed chog byas nas/ gtor ma 'bul bar mdzad/ zhal ngo nang brgyud las 'ongs pa'i brgyud pa 'di pa dag gdong bzhi pa'i rjes su pu tra la bskyed chog logs su byas na 'khor rkyang du bsgrub par song bas cung mi shis pas/ lcam dral dang lhan cig tu bskyed cing dpon 'gro g.yog 'gro'i tshul du spyan 'dren dam bzhag byas la/ 'bul ba'i tshe gtor ma'i go rim dang mthun