[A:182a] pa ni/ thun bzhi la sogs par gsar du bcas shing thun re'i mthar 'bul ba'o/ /'di la ming gi rnam grangs thun gtor/ mgyogs gtor/ las gtor/ 'phral gtor rnams so/ /'di la rnam grangs kyi sgo nas dbye na/ dam rdzas rgyan gyi gtor ma/ dpal gyi zhal zas/ 'dzam bu tri pa'i zhal zas/ dmar chen bshos bu dang bzhi'o/ /gzhan dam tshig gi rten dang / las sgrub pa'i gteng par 'dzin pa'i gta' gtor zhes pa zhig kyang bshad cing / 'di rnams la snod dang / rgyu dang / dbyibs dang / kha dog dang / mtheb kyu'i grangs dang / rtsig tshul dang / gzungs 'jug tshul dang / rgyan dang / bskyed tshul dang / byin gyis brlabs te 'bul ba dang / mthar gtong tshul la sogs pa dang / zhar byung gtor bsngos/ gtor sgrub/ gtor 'bul rnams kyi khyad par zhi rgyas dbang drag gi mi 'dra ba'i tshul/