[A:182b] gtor ma lhar sgrub pa/ dam rdzas su sgrub pa/ dgra bgegs su sgrub pa sogs bsam gyis mi khyab pa zhig yod cing / rje sa chen yab sras dang / dam pa sogs tshad ldan gyi yi ge dang / man ngag dang ldan pa'i bla ma'i phyag len dang gsung las 'byung ba ltar ston shes pa'i sngags 'chang zhig la ltos dgos pa de kho nar yod do/ /de ltar mgon po'i bsnyen bsgrub las gsum thams cad gtor ma la brten pa kho nar snang bas/ 'di'i man ngag mtha' chod par ma shes na/ ci tsam bsgrubs kyang mi 'grub cing / 'grub pa ltar snang yang / mthar mi shis pa'i rgyur 'gyur bar dam pas gtor ma'i yi ge las gsal bar bshad pas skal ldan dag gis go bar mdzod/ ding sang ni kha cig yi dam 'ga' zhig gi gtor ma zlum por bshad pa'i rtags la brten nas de ltar byed/ kha cig mthu che zhing 'jigs par yong snyam nas gru gsum kho nar byed/ mdor na bla ma gong ma tshad ldan dag gi man ngag gi yi ge