[A:179b] bag yod cing rang nyid la brtse bas mi 'dor ba cis kyang gal che'o/ /bzhi pa ji ltar nyams su len pa'i tshul la gsum ste bsnyen pa/ sgrub pa/ las la sbyor ba'o/ /'di gsum la bod pa/ rbad pa/ bsad pa zhes pa'i tha snyad kyang mdzad cing / dper na skyes bu dpa' bo g.yul 'gyed pa'i dgra thabs dang tshul mtshungs pa yin te/ skyes bu des thog mar de 'dra'i g.yul 'gyed par nus pa'i mi dag la mgu ba'i gtam smra/ zas gos khang gzhis sogs dpag med byin nas dga' ba ru ma gyur gyi bar de srid du 'bad rtsol drag pos 'gugs par byed pa ltar/ 'dir yang dam tshig dang sdom pa legs par bsrung zhing / lha'i rnal 'byor dang sngags kyi bzlas brjod dang mchod gtor la rtse gcig tu 'bad pas/ zla ba drug la sogs pa'i tshe mgon po 'khor bcas bdag nyid la nye bar gyur pa'i rtags 'byung ba ni bsnyen pa'o/ /de nas dpung gi tshogs bsdus te go khrab bskon/ mtshon cha