[A:179a] de'i dbang gis 'gro ba de dag kyang mnar med la sogs pa'i gnas su yun ring zhing dos drag pa'i sdug bsngal myong ba'i gnas tshul legs par bsam ste/ las 'jam po gsum gyis bzlog pa'i thabs la 'bad/ de dag gang gis kyang bzlog par ma nus na/ snying rje chen pos kun nas bslangs te/ 'di'i bsnyen bsgrub mthar phyin pas mngon spyod kyi las la brtson par bya'o/ /de ltar bsgrubs pas bsgrub bya de dag ngan song gi rgyu 'bras las bsgral te thar lam la bkod pa dang / bstan pa dang sems can la phan bde 'byung bas/ de'i stobs kyis rang rgyud la'ang bsod nams kyi tshogs rlabs po che bde blag tu rdzogs par 'gyur ba'o/ /yul de lta bu min pa la rang 'dod kyis kun nas bslangs te drag po'i las sbyor brtsams na dam tshig nyams pas nag po chen po khros te rang nyid la chad pas gcod cing / rdo rje dmyal ba mi zad pa'i gnas su skye bar gdon mi za bar gsungs pas/ tshul 'di la