[A:164a] nang nas mchog tu zab pa ngos bzung ba/ de nyams su len pa'i gdams pa bstan pa'o/ /dang po la gnyis te/ rkyang sgrub dang / sbags sgrub bo/ /rkyang sgrub la gsum ste/ pho rkyang / mo rkyang / 'khor rkyang du sgrub pa'o/ /pho rkyang la/ bka' sdod/ tshogs bdag gnod sbyin/ gshin rje ltar sgrub pa ste yongs su grags pa'i sgrub chen bzhi/ gzhan yang bdud dang mon pa ltar sgrub pa'i tha snyad kyang dam pa kun dga' grags kyi sgrub yig las bshad do/ /'di la bsgrub bya lha'i rnam 'gyur dang / sngags kyi dbye bas bzhir bshad pa ni/ brag steng pa'i sgrub lugs bzhi'i yi ge dang / bla chen bsod blo ba'i man ngag tshigs bcad du gsal zhing / sgrub tshul gyi sgo nas bdag nyid mgon por bskyed pa tshogs bdag dang / rang yi dam du gsal ba'i mdun du mgon po bka' nyan du bskyed pa bka' sdod de/ bsdus na 'di gnyis su 'dus pa gnyan phul chung pa'i sgrub yig sogs su bshad pas/ de dag gi tshul cung zad bshad na/ dang po pho rkyang bka' sdod ltar sgrub pa ni/ mgon po gcer bu la gaNDe mchan khung na bsnams pa/ gri thod 'dzin pa/ sngags ni/ oM shrI mahA kA la ye hU~M hU~M phaTa? phaTa? swAhA/ zhes pa'o/ /gnyis pa ni rtsa ba'i mgon po de nyid de/ phyag gnyis gri thod 'dzin pa'i steng na gaNDe bsnams pa/ dar nag gi gos 'khyud lhab lhub dang bcas pa'o/ /gsum pa ni mgon po nyid shin tu rngams pa'i cha byad zhal cung zad gdangs pa'o/ /bzhi pa ni sku shin tu brjid cing rgyas pa'i rnam pa can no/ /dang po gnyis la ni rim bzhin bka' sdod kyi mgon po dang / tshogs bdag gi mgon po zhes pa'i tha snyad kyang bshad/ gsum pa ni drag po'i las la bsngags shing gshin rje'i rnam pa 'dra bas na/ gshin rje ltar sgrub pa zhes bya/ bzhi