[A:163a] rgyal po/ 'jam dbyangs nam mkha' rgyal mtshan/ rgya gar shes rab rgyal mtshan/ sa lo 'jam pa'i rdo rje/ bdag chen ngag gi dbang phyug sngags 'chang chos kyi rgyal po ngag dbang kun dga' rin chen/ yab rje sbas pa'i sangs rgyas sngags 'chang grags pa blo gros/ des 'khon a nanda la'o/ /'di'i sgrub skor bdud rgyal thod phreng can gyi rgyud man ngag dang bcas pa'i brgyud pa ni/ 'jam dbyangs nam mkha' rgyal mtshan yan gong dang 'dra ba la/ de nas bdag chen blo gros rgyal mtshan/ kun spangs chos kyi nyi ma/ rje blo gsal rgya mtsho/ rje bstan pa'i rgyal mtshan/ rje dbang phyug rab brtan/ de'i drung du bdag a nandas thos so/ /de ltar dbang dang rjes gnang gi bka' ma nub pa de nyid chu bo'i rgyun dang 'dra ba'i rgyu mtshan ni/ chu bo ganggA de nyid bar ma chad du mthud nas 'bab pa de bzhin du/ ya mtha' rdo rje 'chang dang bram ze mchog sred sogs nas/ ma mtha' rang gi rtsa ba'i bla ma'i bar du dbang dang rjes gnang gi bka' yod la lhag chad med pa/ byin rlabs kyi brgyud pa ma nyams shing 'phrin las kyi nus mthur ldan pa phyag len phra mo tshun gyi srol ma nyams pa/ mkha' 'gro'i kha rlangs thul le ba zhig dgos pa'i don yin par gsungs so/ /rdo rje slob dpon mchog gi bka' drin las/ /rdo rje chos skyong rnams kyi dbang rjes gnang / /rdo rje slob mar byin pa'i byin rlabs kyis/ /rdo rje 'dzin par sgyur byed 'di ngo mtshar/ /bar skabs kyi tshigs su bcad pa'o/ /gnyis pa gdam ngag gser 'gyur gyi rtsi dang 'dra bas sarga ma log pa la gsum ste/ phyi rten dang dkyil 'khor la brten nas sgrub pa/ nang rtsa gsum 'khor lo la brten nas sgrub pa/ gsang ba yang gsang sems kyi gnad la brten nas sgrub pa'o/ /dang po la rnam grangs spyir bstan pa dang / de'i