[A:136b]gsol ba rtse gcig tu btab nas lung bstan zhu ba mdzad de/ gang byung ba de bka' stsal pas kun la bslu med kyi gdeng khel kho na 'byung ba zhig yod 'dug cing / ding sang gi dus 'dir bstan 'dzin kun gyi bla na bzhugs shing 'phrin las kyis phyogs med khyab pa 'di yang / mus chen 'jam pa'i dbyangs de nyid kyi byin rlabs thugs rgyud la 'phos pa'i dge mtshan las byung bar nges te sngon rje 'di sku gzhon nu'i dus yangs pa can du bzhugs skabs/ rje dkon mchog rgya mtsho gnas der byon pa'i dus thams cad du zhabs drung du yang yang byon gsungs nas/ phye mar rdag bcang ma phyag spar do gsum re dang rje de nyid rang gi gsol ba bzhes 'phro rnams rgyun par gnang nas/ 'di rnams gzhan la ma ster bar rdzogs par zo gsungs pa'i bka' phebs rgyun du gnang ba zhig yod 'dug pa dang / chos ra dang phebs lam sogs gang du mjal yang / rje mus chen nyid spyan