[A:115a] mgon po'i sku byin rlabs can zhig 'bul bar mdzad de/ phyag thugs kar thal mo sbyar nas/ khyed rang chos skyong gi bdag po/ chos skyong gis bka' bzhin bsgrub pa la kho bo yid gnyis dang bral ba'i dad pa skyes so/ /zhes gsungs shing / mkhan chen rin po che yang thun mong ma yin pa'i thugs dad lhag par skyes par gyur la/ skabs der bkra shis rtse'i mchod yon rnams kyi sku rim du rje nyid kyis mgon po drug cu pa'i gtor bzlog cig gnang ba'i tshe/ sgrub khang du yang las sbyor gyi rtags mang du byung zhing / lhag par gtor ma 'phang par mdzad pa'i nub mo/ bskul rnams mdzad cing phyir phebs pa na/ nam mkha' gzhan rnams shin tu dwangs pa la/ rje nyid gang du bzhugs pa'i dbu thog tu sprin nag gru gsum 'jigs ngam can zhig 'bral med du yong ba der yod skye bo kun gyis mthong zhing / gang zag las dag pa 'ga' re'i mthong snang la/ sprin nag