[A:114b]bdag gis ma thob ces zhus pas/ de'i nangs par rje mkhan chen nyid kyi gsan yig bya rog gnyis kyis khyer nas/ bdag nyid chen po'i sku pang du bskyur byung ba la gzigs pas/ gsang khrid kyang gsan 'dug pa dgongs mtshams/ mkhan chen rin po che gzhon nu blo gros pa dpon slob rnams gsan yig stor bas thams cad tsab tsob tu gyur pa na/ nyid kyi gsung las/ mgon po'i gsang khrid de bdag la gnang na/ gsan yig de chos skyong tshos bdag la gnang byung bas 'bul rgyu yod ces bzhad mo dang bcas sngar gyi lo rgyus rnams zhus shing / mkhan chen rin po che'i phyag tu gsan yig 'bul ba gnang bas/ rje gzhon nu blo gros pa'i gsung gis/ khyed rang chos skyong bran du 'khol nges su 'dug pa/ 'tshub bya sogs mi yong ba yid ches pas/ da ni do nub rang nas gsang khrid 'bul ba yin no gsungs te/ de dgong nas chos thun tshugs par mdzad de/ gsang khrid sogs zab chos rnams lhag lus med par stsal cing /