[A:113a]par gnang bar brten/ sngar gyi lung bstan la/ 'dod don rta lug mtshams su 'grub/ /ces pa de mngon du gyur te/ lo de gnyis kyi mtshams su bdag nyid chen po dge sding chos kyi pho brang na bzhugs pa'i skabs rten rdo ya mtshan can de phyag tu 'byor ba na/ thugs dgyes spro dpag tu med pa dang bcas mchod gtor rgya chen po bsham par mdzad nas gtor 'bul bskang gso rgyas par gnang zhing / rten rdo la sku khrus gsol ba na/ rdo mdog byin rnams kha dog smug po la/ logs shig la zhal bzhi yongs rdzogs kyi sku dang / logs gzhan rnams la yum chen bzhi'i sngags rnams rdo mdog byin pas dmar ba zhig gi rang byon du gsal ba/ de yang dri bzang gi chu dang 'phrad na rang byon rnams ches cher gsal bar 'gyur zhing / rgyun par cung mi gsal ba'i tshul gyis mig yod kyi mngon sum gyi spyod yul du gyur pa'i rten rdo khyad 'phags de nyid re zhig dge