[A:112b]mtshar can de mngon du gyur pa'i tshul ni/ bstan pa'i sbyin bdag rnam rgyal rab brtan pas rje nyid dpon slob rnams spyan drangs pa na/ khong tsho'i cha zhabs bla ma rngog pa'i dgon rnying chos 'khor gling zhes bya ba der/ dgon smad slob dpon par grags pa'i gang zag des/ snye thang na bla ma gnyan lo tsA ba'i thugs dam rten rdo zhal bzhi yongs rdzogs kyi sku sogs rang byon khyad par can mang du yod pa'i rten rdo ngo mtshar can de bzhin yod pa'i gnas tshul snyan du phul byung ba na/ rje nyid kyi thugs la sngar srid gsum drag po dpal 'bar du bzhugs dus kyi lung bstan de dus la bab par dgongs nas/ de 'phral rten rdo spyan 'dren pa'i pho nya gnang ba'i tshe/ snye thang gser khang pas rten rdo 'bul du ma 'dod pa la/ slar gzhis ka chen po bsam 'grub rtse nas/ rje 'di nyid kyi bka' bzhin stobs kyi 'khor los bsgyur ba karma phun tshogs rnam rgyal gyis gzim chung pa lha dbang zer ba zhig do dam