[A:108a]'jig rten dregs pa'i tshogs dang bcas pa rnams kyis/ rdzong ri la mkhar 'debs byed po de nyid lo zla ma 'gyang par tshar bcad de zhal du bzhes shig pa'i bka' bsgo 'phrin 'chol drag tu mdzad de/ de dus kyi bzhes khra'i shog ril de nyid da lta yang sgo rum ye shes mgon po'i zhal gdong na yod pa 'di yin la/ de nas bzung ste lha sa rdzong gi ri 'di la sde dpon che phra su zhig gis mkhar las byas kyang de nyid mthar mi phyin cing / byed pa po rnams la yang myur ba nyid du rtags mtshan drag po mngon sum du 'byung ba ni ding sang gi skye bo thams cad la rlung ltar grags shing kun gyi kha na rgyu ba 'di yin no/ /de dag dang dus mtshungs par sngon btso babs nas brag gshags pa'i sa phyogs de nyid du 'brog pa brgya dpon smad pa'i ru pa'i dpon mtshan 'bum du grags pa dang / kun bzang dpal chen gyi bu gnyis dmar bshal gyis myur du 'das shing / de nas bzung ste gdan sa chen por zhabs 'dren byed pa'i rta jag par grags pa'i