[A:97a]ri phyogs su phyin pa na/ rtsibs ri'i byang ngos de la ltung bshags kyi sangs rgyas so lnga po khra lam me bzhugs pa gsal bar mthong zhing / de'i byang shar gyi phyogs na 'phags pa klu sgrub dang / sa lo thams cad mkhyen pa yin snyam pa'i paNDi ta na bza' ngur smrig bsnams pa gnyis kyang 'dug cing / yang nged lo bcu gcig tsam 'gro ba'i dus su phung po ri bo che'i byang ngos la gnas brtan bcu drug po sku re re nas rnam 'gyur ya mtshan can sna tshogs mdzad pa dang bcas pa shin tu gsal bar mthong ba yin zhes sogs ngo mtshar can gyi gzigs snang byung tshul mang po zhig gsungs nas/ gang ltar pu tra 'dis dus dang gnas skabs kun tu phan btags pa 'dra ba gzhan sus kyang phan pa med pas/ 'di la rngan pa zhig ster dgos pa yin gsungs nas de ma thag bskang gso rgyas par mdzad pa yin no zhes thos la/ 'di'i gong gi do nub kyi rkang rjes de gsum sngar khri thog pa spun rang la byas 'gyur du ngo sprod byas pa'i ming sring gsum