[A:96b]sngags 'chang nyid kyi gsung las/ he he nged rgan po tsho la ni de 'dra byung / khyed tsho la ji ltar byung gsungs pa dang / 'jam pa'i dbyangs dbang po'i mtshan can dpon slob rnams kyis thog mar lam stor tshul dang / de nas gsol 'debs mdzad pas/ slar rkang rjes kyis lam bstan tshul rnams rgyas par zhu bar mdzad nas/ bdag rnams rnam rtog rags pas/ thog mar rkang rjes gsum yong ba yod gsung ba'i dus su ji ltar yong ngam snyam pa'i the tshom tsam byung bas/ de la thugs kyis mi khrel mkhyen zhes zhu bar mdzad pa la/ sngags 'chang nyid kyi gsung las/ khyed tshan pa 'di tsho la/ kha bla ma la/ yid mi ches pa'i skyon cig ka yod/ nga kha na so 'di ru song nas rdzun lab dogs med/ he he/ do nub kyi rkang rjes de gsum sngar khri thog pa spun rang la byas 'gyur du ngo sprod byas pa'i ming sring gsum po de ka yin/ 'on kyang rkang rjes de gsum tsam mthong ba la ngo mtshar rgyu med/ nged lo nyi shu rtsa grangs kyi dus ding