[A:94a]byas pa dpon slob 'byed pa'i las sbyor du song ba yin zhes bris snang yang / de ni phyogs 'dzin dang ma brtags pa'i gtam kho nar zad pas yid brtan par mi bya'o/ /yang sngags 'chang chos kyi rgyal po dang / grub mchog bsod nams dbang po gnyis yab sras lhan cig dbus phyogs su phebs pa'i skabs shig bde chen chos 'khor du gtor bzlog drug cu pa zhig gnang ba'i tshe/ bskul mdzad cing bka' bsgo'i gdangs tshugs pa na/ rje btsun nyid sku bong sngar bas nyis 'gyur gyis che zhing / yang zor yang shin tu che ba dang / mthu stobs kyi zil chen pos sus kyang sku la lta mi nus pa lta bur gyur cing / de dang dus mtshungs par gtso gtor dang pu tra'i gtor ma la me lhab kyis 'bar ba dang / bran bdud kyi gtor rtse thag sgra dang bcas chad nas rgya mthong la 'phar ba de nyid me phung chen por gyur cing / de las kyang me phung sgo tsam pa du mar byung ste smyug la phyogs su song ba phyag