[A:93b]pa la thugs kyi dag snang chen po'i gsung las/ bdag chen kun dga' rin chen 'di ma byon na/ sa skya pa'i bstan pa 'di grum ze gung med 'dra ba'i mtha' yod kyang dbus med pa zhig yong nges su 'dug kyang / bdag chen 'dis bstan pa'i khur bzhes pas sa skya pa'i 'phrin las mtha' dbus med pa rgyas pa 'di rang re rnams blo bag dro ba'i tshad yin zhes yang yang gsungs pa sogs mdor na tshar chen nyid dang / sngags 'chang chos kyi rgyal po gnyis phan tshun so so nas thugs mthong dang / dad pa dag snang 'gran pa lta bu'i thugs nang shin du dkar ba'i sel med kyi rang bzhin du bzhugs pa yin nges kyang phyis rje tshar pa'i rnam thar byed pa 'dras/ sngags 'chang nyid dang tshar chen thog mar dge sding du mjal nas dpon slob tu gyur kyang / phyis bdag chen 'dis dmu'i mgon khang bcom pa sogs rje tshar pa la mi legs pa mdzad pa ni/ gzhan gyis mthu bzlog