[A:89b]zangs 'di nub tu drongs shig gsungs nas de ltar byas pa na/ mgon po bsam grub zer ba'i skye bo zhig gis byin rlabs ril bu ma zhus pa zangs 'degs pa'i las grogs byas pa na/ de ma thag sna khrag chu bo'i rgyun ltar brdol nas shi la khad pa byung ba'i tshe/ sngags 'chang nyid kyis pu tra la bka' bsgo mdzad pas nyes pa las grol zhing / de nas zangs chen chab gtsang mas bkang ste/ mgon khang gi nub phyogs der bzhugs su gsol nas sngags 'chang nyid kyis rab gnas mdzad pa'i tshe/ dam can mon bu pu tra nyid dgyes pa'i rnam 'gyur du ma mdzad cing zangs nyid la mngon sum du thim pa'i gzigs snang ngo mtshar can byung ba yin no zhes thos la/ dus phyis kyang grub mtha' mi gcig pa'i skye bo sogs mgon khang der lhags pa na/ zangs chen 'di nyid kyis rtsub 'gyur sna tshogs bstan pa'i lo rgyus kyang yod mod kyi/ 'dir ma spros la/ zangs 'di la snga mo zhig sngags 'chang nyid kyis nyams gso mdzad