[A:90a]pa'i tshe yang / las mkhan gyi sprul pa'i bal po shrI dznyA na zer ba zhig glo bur du byung nas/ zangs kyi nyams gso grub ma thag bal po de gar song cha med du gyur pas/ las mkhan gyi sprul pa zangs nyid la thim pa yin yang dag go zhes grags shing / mdor na dam can mon bu pu tra nyid sngags 'chang bla ma nyid dang 'bral med kyi tshul du bzhugs nas rnam 'phrul sna tshogs pa ston pa dang bcas 'phrin las rnams bsgrubs par nges te/ skabs shig thugs sras rgyal tshab dam pa sngags 'chang grags pa'i mtshan can la/ nyid kyi sku 'bag khams gsum zil gnon gnang ba'i dus su/ 'di la pu tra nyid gtor ma len pa'i zhor la dngos su thim pa yin pas rtsis che bar gyis zhes gsungs pa sogs rgyu mtshan mang du snang ngo / /de nas mgon khang gi zhig gsos phal cher grub cing / pu tra chen po'i sku'i skya bzo tshar ba na/ sngags 'chang