[A:84a]lder sku bzhengs tshul gyi yig cha khyad par can 'di yang mdzad pa yin te/ de nyid kyi mjug tu/ bla ma dam pa rnams kyi zhabs rdul spyi bos gus pas len pa sa skya pa ngag gi dbang po kun dga' rin chen gyis/ rje btsun gong ma rnams kyi byin gyis brlabs pa'i gnas dben pa'i ri khrod byas 'gyur rdo rje'i brag rdzong du rdo rje nag po chen po'i sku bzhengs pa'i dus yid ches pa'i rten 'brel du ma byung ba dang / phyag len gyi bsgrigs chags 'di rnams kyang gsal bar blo la shar nas sug bris bgyis pa 'di la nyes pa'i tshogs mchis na bla ma dang mkha' 'gros bzod par mdzod las/ 'di la brten nas bstan pa'i dgra bo thams cad tshar bcad nas sa skya pa'i bstan pa rnal ma mi nyams shing gong nas gong du 'phel ba'i rgyur gyur cig ces 'byung bas so/ /yang snga mo'i dus sprul pa'i lha khang chen mo'i steng gi mgon khang khyad par can 'di gsar bzhengs su mdzad pa'i tshe/ gong dkar ba sprul