[A:84b]sku sbyin pa rnam rgyal gyis lha khang chen mo'i thigs khang du gur phub nas/ mgon po chen po'i ru shing dang spen 'dzugs la 'jim pa phal cher g.yogs grub mtshams glo bur du rlung dmar chen po langs te/ gur bsgyel zhing las bya byed dang bral bar gyur pa'i tshe/ sprul sku nyid kyis sngags 'chang chos kyi rgyal po la de'i tshul rnams zhus pas/ bdag nyid chen po nyid thugs 'ur nyams dang bcas 'phral du phebs te/ gzim chung gi mdo'i g.yab steng nas dkar gong zhig bsnams te/ mgon po'i skya bzo phal cher grub pa de la bsnun pa gnang song bas/ skya bzo'i sku'i nu ma g.yas pa'i 'og tsam du thim gyis song zhing / de mthun gsung las/ nga sa skya'i sde gog po 'di 'dzin pa dang / gtsug lag khang khyad par can 'di dam nyams tsho'i lag tu mi 'khyar ba'i phyir/ mgon khang zhig bzhengs bsam pa la/ nag bgrad khyod gtor ma bza' yi sdod pa ma