[A:61a] bdag la med pa'i tshad ldan brgyud pa las/ /byung ba'i 'di skor yod na brda thongs shig /zhabs rdul spyi bos mchod nas len par spro/ /zhes dang / blun po rgyus med nor gyis dregs pa dang / /chen pos smras tshad gtam du song ba dang / /zog po ya med rtog ge'i dug chus myos/ /de rnams la ni dri min btang snyoms bzhugs/ /zhes dang / rang nyid mkhas par bsgrub pa'i dregs 'dod dang / /gzhan la skyon 'dzin 'dod pa'i zol zog min/ /tshul 'di dad dang 'dun pas bskul ba yin/ /gsung bar 'os pa rnams kyis lan myur zhu/ /zhes dang / de ltar lhag bsam rab dkar 'dab gshog can/ /dogs ldan snyan tshig mgrin pa'i rdza rnga sgrog /zab don dri ba'i ngang mo yid 'ongs khyod/ /sngags 'chang mkhas pa'i thugs kyi rgya mtshor song / /zhes gsungs pa yin no/ /de lta bu'i dri ba'i yi ge de nyid las/