[A:60b] ma lus bum pa gang byor thob/ /mdor na dam pa'i yongs 'dzin bdun la gtugs/ /tshul 'di'i phra rags chos la ring du sbyangs/ /dag dang ma dag yi ge mang du mthong / /mkhas dang mi mkhas sngags 'chang du ma bgros/ /'dir ni thun mong tsam la cung zad dris/ /zhib par phyi nang gsang gsum man ngag la/ /'dod tshul mang mod chos 'di zab pa dang / /chos skyong gnyan pas dri ba spobs ma gyur/ /ces gsungs nas/ de ltar rang gis chos skyong gi chos skor la mkhas par sbyangs kyang / dri ba rags rim rnams mdzad pa'i rgyu mtshan bshad pa dang / dris lan 'debs pa'i yul min pa rnams btang snyoms su bzhugs par gdams pa dang / dris lan 'debs 'os pa rnams kyis dri ba po'i kun slong rnam dag la dgongs nas myur du dri lan stsol bar bskul ba dang / dri ba'i yi ge de nyid kyi ming don ston pa rnams rim pa bzhin du de nyid las/ de ltar dris pa'i dam pa khyed rnams la/ /