[A:26a]par dbang bskur cing byin gyis brlabs te bka' bsgos pa/ khyod ni gsang ba gsum gyi bdag /dus gsum sangs rgyas thams cad kyis/ /bstan pa srung bar byin gyis brlabs/ khyod ni dpal ldan nag po che/ /bstan pa bsrung bar khas blangs pa/ /shAkya seng ge'i bstan pa la/ /dam tshig chen pos gnas par gyis/ /zhes bka' bsgos shing / bstan pa gnyer du gtad pas/ bcom ldan 'das kyi bka' las mi 'da' zhing / mthu stobs rdzu 'phrul gyi nus pa thams cad mthar son te/ sku gsung thugs yon tan 'phrin las kyi sprul pa'i mgon po rigs lnga/ gzhan yang las kyi mgon po du ma dang bcas pas rang rang gi 'khor du gtogs pa'i dregs pa can bsam gyis mi khyab pa dang lhan cig tu bcom ldan 'das kyi spyan sngar 'khod de rang rang gi srog gi snying po mdongs gsol du phul nas spyir sangs rgyas