[A:25b] 'di skad ces gsol to/ /kye/ thams cad mkhyen pa'i ston pa lags/ /bdag gis khyed kyi gzi mi bzod/ /dam la btags 'tshal ci gsung bsgrub/ /khyed kyi bstan pa bsrung bar bgyi/ /zhes brjod cing srog snying phul nas bstan pa srung bar dam bcas so/ /de nas sangs rgyas dang byang chub sems dpa' thams cad gdan gsum tshang ba'i dkyil 'khor gyi lha'i rnam pas der 'khod nas/ gtso bo he ru ka kye rdo rje nyid kyis/ drag po nag po zhal du lan gsum mid nas gshang lam nas phyir thengs gsum phyung ba dang / mdog nag po 'jigs su rung ba gcig tu gyur pa la/ he ru kas mgo dang lag tu dam tshig gi rdo rje gtad/ lce la dam tshig gi bdud rtsi sbyin/ las skal du sangs rgyas bstan pa srung ba dang / zas skal du bsgral ba'i zhing thams cad kyi sha khrag srog dbugs rnams sbyin/ bstan pa srung ba'i nus mthu dang ldan