[A:25a]dpal rta mgrin du sprul nas/ dbu'i gtsug nas rta mgo ljang gu phyung ste/ rta skad lan gsum bsgrags pa/ nag po na re/ khyod la nga 'dul ba'i gnyer med kyi/ khyod rang nags su song la rtswa zo zer nas ma thul lo/ /der dus gsum gyi sangs rgyas thams cad bka' bgros shing mgrin gcig tu thugs gtad nas/ nag po drag po de gzhan gyis mi 'dul zhing / phyag na rdo rjes 'dul ba'i dus la babs par dgongs nas/ phyag na rdo rje la zhal 'dzum pa mdzad cing / 'od zer gyis bskul bas/ phyag na rdo rje shin tu rngam pa'i skur bzhengs/ 'jigs su rung ba'i rdo rje'i hU~M sgra drag po bsgrags/ nag po 'khor bcas/ phyag g.yas pas rdo rjes bsdigs/ g.yon pas sdigs mdzub kyis gzir bas/ nag po 'khor bcas 'jigs shing skrag pas rdo rje 'dzin pa'i spyan sngar 'khod de/