[A:48a] sogs pa'i zab chos mang du gsan cing / gzigs snang khyad par can mang du byung ba'i lo rgyus kyang yod/ yang grwa ston shes rab dpal ldan pa'i drung du u rgyan pa'i rdo rje gsum gyi bsnyen sgrub dang / bka' rdzogs pa chen po la sogs pa'i chos skor cha lag dang bcas pa yongs su rdzogs par gsan/ kun spangs bsod nams rgyal mtshan pa'i drung du rgyud sde gong 'og gi bka' lung rgya che bar gsan cing / khyad par du bde gshegs sgrub pa bka' brgyad dang / 'dus pa mdo'i dbang la sogs pa gsang sngags rnying ma'i chos skor gyi dbang lung man ngag la sogs pa mtha' dag yongs su rdzogs par gsan to/ /de dag ni bsten yun ring la mkhas par sbyangs shing bka' drin che ba'i yongs su 'dzin pa rnams yin la/ bka' drin mtshungs pa med pa ni brag thog pa chen po kho na yin no/ /yang dbang rjes gnang / lung man ngag thor bu ba tsam gsan pa ni/ sa skya 'khon gyi gdung