[A:47b] 'brel dang bsnyen bkur zhu ba mang bar byung / yang rngog pa'i gdung rgyud byang sems bsod nams don grub pa'i drung du rngog lugs kyi dkyil 'khor bdun la sogs pa'i chos skor mang du gsan/ lo chen shes rab rin chen pa'i drung du gsang sngags ci rigs dang / slar yang 'dul mdzod dang / sgra'i bstan bcos la sogs pa'i chos skor mang du gsan cing / khyad par bka' gdams pa'i thig le bcu drug gi bka' dang glegs bam gyi lung la sogs pa'i chos skor rnams yongs su rdzogs par gsan to/ /de nas dgung lo bzhi bcu zhe gsum pa shing pho rta'i lo la dpal thams cad mkhyen pa byams pa gling pa'i zhal snga nas mkhan po/ mkhan chen rab 'byor seng ge bas las slob/ khrom yon par grags pa mkhan chen nam mkha' lhun bzang pas gsang ste ston pa mdzad de bsnyen par rdzogs pa mdzad do/ /grub pa'i dbang phyug ras chen chos rje'i drung du nai gu chos drug shin tu nye bar brgyud pa la