[A:48b] rgyud bdag chen rgya gar ba/ zhwa dmar ba sprul sku chos kyi grags pa/ paN chen nags kyi rin chen/ mkhan chen khrom yon pa/ mkhan chen bya brtson pa la sogs pa'i mkhas grub mang du yod/ gzhan yang bka' lung rnam dag 'dug na gang zag rang ga ba yin kyang / mkhas pa'i khengs pa mi mdzad par bstan pa dang sems can gyi don la dgongs nas gus pa dang bcas te gsan par mdzad do/ /de ltar na bdag nyid chen po 'di ni mdo sngags thams cad kyi bdag po yin yang / ding sang rdo rje theg pa'i bstan pa la dgongs nas spyir gsang sngags gsar rnying thams cad dang / khyad par dpal sa skya pa'i bstan pa rdo rje theg pa'i skad du smra ba rnams kyi gtsug gi nor bu ltar gyur te sa skya 'khon gyi gdung rgyud kyis gtso mdzad/ bod dbus gtsang gi bla ma dge ba'i bshes gnyen mkhas grub rnams la chos kyi 'khor lo nyin mtshan khor yug tu bskor bar mdzad pas/ bu slob bstan 'dzin gyi