[A:45b] brag thog chos rje bsod nams bzang po'i drung du dbu skra bcad de dge bsnyen gyi sdom pa mnos/ dpal sa skya pa'i lugs kyi chos skor rgyud gsum man ngag dang bcas pa la sogs pa'i dbang bka' bshad bka'/ man ngag gi bka' la sogs pa rnams kyi skor cha lag phran dang bcas pa yongs su rdzogs par gsan/ mkhas par bslabs/ thugs nyams su bzhes/ yi dam dang chos skyong gong 'og gi bsnyen pa mthar phyin pas mthu stobs kyi dbang phyug chen por grags/ chos rje dpal 'dzin bzang po'i drung du sa lugs kyi chos skor mang du gsan cing / khyad par gur phur la sogs pa'i gar 'cham dbyangs la sogs pa la mkhas par mdzad/ de nas dgung lo nyi shu rtsa bdun tsam la/ thams cad mkhyen pa byams pa gling pa chen po'i drung du dge tshul gyi sdom pa bzhes te sku shin tu btsun pa'i mchog tu gyur/ mtshan kun dga' rnam rgyal dpal bzang po zhes gsol/ gzhan yang mkhas pa de'i drung du mdo sngags