[A:43b] yod pa ltar/ rje bla mas phyag len gyi rim pa rgyud 'grel sogs mgon po 'di nyid kyis ched du rgyas par mdzad pas kyang grub pa yin no/ /de lta bu'i skyes chen de nyid sku'i skye ba 'dir rigs rus gang las byon pa ni 'di ltar thos te/ bstan pa snga dar gyi dus bod gangs can 'dul ba'i gnyan por 'phags pa spyan ras gzigs kyi rnam 'phrul chos skyong ba'i rgyal po srong btsan sgam po bya ba byon/ de'i bka'i 'phrul blon chen po 'jam pa'i dbyangs kyi rnam 'phrul thu mi sambha dra bya ba shes rab can gyi mchog tu gyur pa zhig byung / thu zhes pa rus yin/ mtshan dngos la sambho Ta zhes bod bzang por 'chad pa yod kyang / yi ge gsar rnying mang po na sambha dra zer ba yod/ de'i skad dod kun tu bzang po yin zhing / mkhan po 'di nyid kyis mdzad pa'i bstan bcos rnams las kyang / kun tu bzang po'i rtsa ba brgyad pa zhes 'byung ba/ 'phags yul na'ang bstan bcos